تجربتي طلب من موقع لوكسيتان السعوديه L'occitane SA Review
مرحبا..
اشتقو لي وانا بعد اشتقت لك :( المشكله اكتب بوست و اصور وكل شي ! بس مدري ليش ما انزل ! ما ادري يمكن مافيه تفاعل زي اول ! بس خلاص ان شاءالله كل أسبوع او أسبوعين بوست *.* يارب يصير حماس *.*
بتكلم ب ذَا البوست عن لوكسيتان معروف اغلب البنات يعرفونه اللي هو محل لوكسيتان عناية للجسم :) والشعر هذا الرابط حقهم
ب البدايه كنت ابي اشتري كريم من عندهم مادحته صاحبتي انو يفتح اليد عشان شمسنا الحلوه تصير نصين لون أغمق و لون افتح يارب فهمتو :)
طبعا نسيت الموضوع قبل شهر او شهر ونص فتحت سناب لقيت وحده اسمها هيفاء تتكلم عن زبدة الشيا العضوية ١٠٠٪ حقتهم كيف كويسه وبنفس الوقت كنت ادور زبدة شيا كويسه المهم انو قالت فيه كود تخفيض تبعها وقالت فيه توصيل اونلاين و كوبون الخصم كان ١٠٪ و توصيل مجاني تحمست قلت خل اجرب اطلب اونلاين منهم واكتب للبنات هنا مع انو كان قريب لي المحل بس فكرت فيها لو ابغى ارسل هديه ل احد بتكون طريقه حلوه خصوصا لو كانت بعيده :) بس ان شاء الله خيره ماعلينا طلبت منهم .
سلبياتهم ،،
١- تغليفه جدا جدا سيئ بتعرفون ليش الحين تعرفون ايش صار انفتح علبه الزبده ب البوكس تخيلو زبده الشيا مافيها غطاء من فوق ! فهمتو ب العاده الكريمات تكون فيه فوق ورقه تحمي :( شي غريب جدا اطلب من أمريكا كريمات وتوصل سليمه كيف ب نفس المكان :"( و ساح ب الكرتون :"( تقريبا نصه انكب وخرب لي طلبي الثاني لان طلب معه زيت اللوز للاستحمام هذي صور البوكس اول ما استلمته :)
لما فتحته تغليف انيق *.*
كنت اظن وكنت اظن وخاب ظني ههههه :)
٢-خدمه العملاء سيئه جدا تخيلو راسلتهم مرتين او ثلاث محد رد ! كنت أبغى لو كلمت أسفين بس :( اي اعتبار لي :( مع انو لما راسلتهم ان يزيدون لي ب الطلب عطول ردو علي !سبحان الله !
٣-الدفع عند الاستلام ! ابدا ما حبيت ذَا الحركه كان ممكن يضيفون الدفع ب الفيزا خصوصا انهم محل معروف *.* يعني التاجرات ندفع ب الفيزا او تحويل !!! بس ممكن تكون كويسه للي يحبو يدفعو كاش ! بس مفروض كل الخيارين متاحه .
إيجابياتهم ..
١-التوصيل ،،
٢-عندهم خدمه الدفع عند الباب للبنات اللي يحبو الدفع كاش واصلا هو الخيار الوحيد .
٣-يعطونكم عينات كثير حلوه تجربون كريمات او شامبو
٤ - البوكس انيق جدا ينفع هديه بس حاليا ماينفع اذا بترسلينه ل احد ! لان مافيه دفع اونلاين لا فيزا ولا حواله بنكيه .
٥-زبدة الشيا غاليه جدا فيه لها بديل خصوصا انو مو كبير يكفي بس حق شهر للجسم كامل و فيها ريحه مو كويسه يعني فيه بديل احسن منهم كثير و سعر أرخص جدا ! مع انو تركيبها لا باس فيه .
٦- الموقع جدا سهل الطلب منه سهل سهل جدا
بنسبه ل الزيت اللوز ما استخدمه لسي مجروح قلبي ههه تخيلو من الصدمه لما جاني البوكس كان زبدة الشيا منكبه عليه و سايحه وحاسيه الدنيا !
اللي عندي بسناب شافو يوم فتحت البوكس :( احس طاح وجهي عندهم لما فتح البوكس و حايس الدنيا شوفو الصور من سنابي اذا حابين تابعوني
simplegirlblog
بس و اخيرا احب اقول مو كل شي يمدحونه الناس شرط يكون كويس لازم تسالون زين لان بعضهم مدفون لهم او لهم نسبه من المشتريات ! اول مره اسمع مدح احد بدون ما ابحث و اتاكد من تجارب الناس !
الاسعار كانت ٢٠٥ ريال زبدة الشيا العضوية ١٠٠٪
زيت اللوز للاستحمام ب ١٨٥ ريال
الشحن كان فيه كوبون خصم !
رسوم خدمة دفع عند الاستلام ب ٢٥ ريال :)
الخصم يمكن طلع لي ب ٣٩ ريال :)
شركه التوصيل شركة ناقل اللي احيهم ع تعاملهم الراقي .
و الحمدلله تجربه جديده و إن شاءالله مفيده لكم :)
شكراًُ على موضوعك، بس اكيد لما شحنولك الزبدة ما كانت هيك يمكن من شركة الشحن ما تهتم بطلباتنا او يمكن من اللي بغلف ما سكرهم كويس!
ReplyDeleteساقوم بتجربته وااضع تجربتي قريباً كوني من عشاق هذه الماركة
للتوضيح فقط بخصوص زبدة الشيا، انا جربت اكثر من ماركة وبصراحة أفضل من زبدتهم ما في يكفي انها طبيعية 100%
ممكن فعلا يكون كلامك صح ! بس حتي ما ارسلو لي ذا الكلام ك اعتذار !!
Deleteتوقعت افضل من كذا ترطيبها ! ع المدح بس جربي زبدة الشيآء تبع now من اي هيرب !
شكرا جميلتي *.*
Love Occitane products
ReplyDeleteممكن الكوبون .. كان عندي بس ضيعته
ReplyDeleteممكن تعطيني الكوبون؟
ReplyDeleteاتوقع خلص لانه كان شهر اعتقد !
Delete