مقشر فرانك .. Frank Body Scrub Review
بسم الله ..
ماشاءالله غني عّن التعريف ،، بس حابه اكتب تجربتي للبنات اللي يحبون يشوفون تجارب غيرهم 💙 وطبعا عشان اكتب تجربت الشرآء منهم .
ايش قصة مقشر فرانك ؟
I’m an Australian made coffee-based skincare range that targets cellulite, stretch marks, psoriasis, eczema and other skin conditions to leave your skin feeling soft and supple.
هو مقشر قهوه صنع ب استراليا للعنايه ب البشره اللي ب الأغلب تركيز على سترش مارك (علامات تمدد الجلد)، السيلوليت ، والصدفية، والأكزيما وامراض الجلدية اخرى وتترك البشره ناعمه و فيها نضارة .
كم مره يستخدم ؟
ب الموقع حقهم كاتبين من ٢ الي ٥ مرات ب الاسبوع .
كيف استخدمه ؟
ينحط ع الجسم مع تدليك (مساج) بشكل دائري مع التركيز ع المناطق اللي فيها مشاكل :/ بعدين يترك لمده ٥ دقايق فقط.
ينحط ع الجسم مع تدليك (مساج) بشكل دائري مع التركيز ع المناطق اللي فيها مشاكل :/ بعدين يترك لمده ٥ دقايق فقط.
هذا كلامهم ب الموقع !
...
ب البدايه أخذت من صاحبتي شوي وجربته لان خفت ما يناسبني بشرتي حساسه جدا :( أخذت الاورجنل ريحته قهوه مع برتقال :"( قويه مره مره ماحبيتها :| صدعت برأسي ماعليه نتحمّل الريحه عشان النتايج غسلت شعري و خلصت رفعته شعري هما كان جسمي رطب حطيته ع جسمي مع فرك خفيف دائري انتظرت ٥ الي ١٠ دقايق انا بشرتي جافه جدا و حساسه ع طول تصير احمر ! لما غسلته كان فيه ترطيب فضيع مره مره ماشاءالله بس ما طول كثير نعومه مؤقته لان ب البدايه كنت حابه جسمي يستفيد من الزيوت اللي فيه :\ بس صرت استخدمه واقعد كم ساعه او مثلا استخدمه قبل ما انام و اذا صحيت ارطب جسمي ي بزيت او كريم او يقعد وقت اطول شوي !
واهم شي حبيته مره مره هو انو قبل ما اسوي ميك اب اقشر فيه يصير الميك بعده شي حلو :) مره انصحك اذا بشرتك جافه مايتكتل الفاونديشن و يصير قشور :"(
عموما حبيته مره حتي لو كانت نعومته موقته طلبت لي من موقعهم ذَا
اصلي الاورجنيل
و الجوزالهند
و الكاكو
بعد فيه نعناع ماطلبته سقط سهوا !
جربت جوز الهند كان اقل ترطيب من الاورجنيل !! مع انو مكتوب انو ترطيب قوي :| وبعد فيه مشكله انو ريحته جوز هند قويه :/ لما استخدمه اختي كانت طالعه ولما رجعت جتني تقول مستخدمه فرانك جوز الهند الريحه واصله لباب الشارع :| انا احبه عادي بس ناس كثار مايحبونها :) تصير ريحتك باونتي :"( ما اعتقد اني بطلبه ثاني ! استخدامات فرانك مكتوب للجسم بس اقولكم سر انا لاحظت لما استخدمه يصير شعري احسن :| لان لما أغسل المقشر إفك شعري و اغسل كل جسمي مع شعري بدون شامبو ! حسيته هابط ماشاءالله عن العاده بعدها صرت استخدمه ل شعري *.* بعد ما احط الشامبو يطّلع مترطب لان اللي ب الفرانك اشياء طبيعته قهوه زيوت !
وأهم شي فيه كافيين اللي مفيد للبشره و الجسم *.* وهذا سر مقشر فرانك ومنتجات استخدامهم للكافيين مره مفيد كويس يوقف تساقط الشعر و مقاومة السلولايت للبشره *.* وله فوائد كثير مره اذا حابين ابحثو عنه 💜
جربت اسوي مقشر نفسه ب البيت !
النتيجه كان حق البيت ترطيب اكثر ! بس ريحته أقوى يعني ريحتك تصير قهوه :|
اللي حابين يسوونه تحتاجون ..
الطريقة ..
كاس قهوه تركيه ..
كاس سكر بني ..
نص كاس زيت جوز هند حق الترطيب ..
وحطي القهوه مع السكر البني مع بعض ثم حطي الزيت :) ممكن تستبدلين الزيت ب اي نوع بس هو كان احسن ترطيب ! جربته مع زيت اخرى بس كان مو مره ترطيب لو بشرتك ماتحتاج ترطيب عميق عادي حطي اي زيت تحبينه :)
كم مره استخدم المنتج ؟
مقدر احدد يختلف من شخص الى شخص بس لما تحطونه بس كميه بسيطه جدا لان رايح ينكب ع الارض و ما تستفيدون منه :|
ايجابيات ،،
١-ترطيب مؤقت بس جميل .
٢-احس المنتج يكفي لمده طويله .
سلبيات ،،
١-الريحه ممكن تصير مزعجة لبعض الناس و احيانا تقعد ب الجسم تصير ريحتك قهوه .
٢-الكيس مو عملي .
٣-سريعين توصيل اونلاين مايطولون .
٤-احس سعره كثير ع مقشر ب ذَا الكميه :| صح انها كويسه بس ع السعر مفروض اكثر من كذا .
٥-تقعدين ٥ دقايق .
٦-يوسخ المكان بس عادي عندي مو مشكله كبيره حسيت ! اهم شي استخدمو كميه قلييله.
الأسعار تختلف من نوع الي نوع ،،
الاورجنل 14.95$ ..٥٨ريال .
نعناع16.95$ ..٦٦ريال .
كاكو 16.95 $ ..٦٦ ريال .
جوز الهند 17.95$ .. تقريبا ٧٠ ريال .
هذي تجربتي انا ممكن اللي كويس معي مايصير كويس معك دايما ابحثو كثير كثير .
كان نفسي اجرب الكريم بس خفت اصير فواحة قهوه !!
هنا حبيبتي البلوقر قورجس تكلمت عنه !
الشحن كان تقريبا ١٣٠ ومجموع الثلاثه كان ١٩٥ يعني المجموع ٣٢٥ ! شحنتها ع بريدي الامريكي حسيت ارخص شحن ! عندهم شحن مباشر
بس موقعهم فيه مشكله ! بس مره تطلبين وخلاص ! يعني كل مره ازم تسجلين بياناتك مره ثانيه :( مشوار !
0 التعليقات :